اهل الخيانة

[صالح صلاح شبانة]

أهل الخيانة
صورة واقعية محكية بقلم :
الداعي بالخير صالح صلاح شبانة
SHABANAH2007@YAHOO.COM

بنوكل من صحن طبيخهم ، وبنلعن أبو سنسفيلهم
هاذي عادتنا ، و هيذ تعودنا ، عالخط الأعوج بنمشي

أهل وصحبه وخلاّن ، ما دام الصحن مليان
وبنِتّفرَّق و بّنِتّلادى عالحيطان ،لَمّا نخلِّص ع طنجرة المحشي

الدنيا قَمَرَه وربيع ، والخير ذراع إمَّلّي إلنَّيع
وبعد الشبع بِنّعَنّفِص وبنصيع ، ويا دِنيا علينا رُشّي

إحنا أهل إلفَضِل والشومات ، مادام الفضل كلمات
بس إن وِصّلِت للجيبات ، معروفه النتيجه ما فِشِّ

بنوكل من أكلاتهم ، وبنلعَن ابو حياتهم
وبالواطي بنَّكِس راياتهم ، وبنخمشهم خمشهِ

إحنا رَبّع إلطبالين ،في ربوع الديره زمارين
بنذبح ع حد السكين ، وبالجنازه بِنآجر وبنمشي

إلبراءه إحنا إحنا دمرناها ، والخيانه احنا اللي أنشأناها
وطعن الاجساد بمقفاها ، وإحنا اللي بِنّدِس ونوشي


تُقرأ هذه الصورة بلهجة اهل سنجل